A-Ö Efnisyfirlit

Að uppræta bólusótt

🇺🇳 75 ára afmæli – 75 dæmi um að Sameinuðu þjóðirnar skipti sköpum 🇺🇳

UN75Bólusótt er fyrsti og eini sjúkdómur sem hefur verið útrýmt alls staðar í heiminum. Bólusótt hafði fram að því herjað á mannkynið í 3000 ár og orðið 300 milljónum manna að bana á tuttugustu öldinni einni, eða 4 milljónum á ári.

Þrettán ára átaki undir forystu Alþjóða heilbrigðismálastofnunarinnar (WHO) lauk með því að því var lýst yfir að bólusótt hefði verið útrýmt á jörðinni árið 1980. Fyrir utan öll mannslífin sem bjargað hefur verið, er talið að einn milljarður Banaríkjadala sparist á ári vegna bólusetninga og eftirlits, sem er þrisvar sinnum meira en herferðin til að útrýma þessum vágesti kostaði í heild.

Mörg þeirra grundvallarúrræða í lýðheilsu sem notuð voru í sigursælli baráttu til að vinna bug á bólusótt hafa verið notuð gegn Ebola og COVID-19, svo sem eftirlit, greining, rakning og upplýsingaherferðir til að virkja almenning sem á í hlut.

8.maí 2020 fagnaði WHO 40 ára afmæli sigursins gegn bólusótt. Gefið var út frímerki á vegum Sameinuðu þjóðanna til að minnast þessa í samvinnu við WHO. Frímerkið er til heiðurs þeim milljónum manna sem störfuðu saman í baráttunni, jafnt veraldarleiðtogar og alþjóðlegar stofnanir sem sveitlæknar og aðrir heilbrigðisstarfsmenn.

MótumFramtíðOkkar   #UN75

Fréttir

Til heiðurs lungum jarðar

Hafið er okkur uppspretta fæðu, lífsviðurværis og þjónar samgöngum og viðskiptum jarðarbúa. Og sem lungu...

Hálfur milljarður í bóluefni gegn COVID-19

Katrín Jakobsdóttir, forsætisráðherra, hefur tilkynnt um framlag Íslands til sérstaks aðgerðabandalags fjölmargra ríkja, fyrirtækja...

Að efla réttindi kvenna

🇺🇳 75 ára afmæli – 75 dæmi um að Sameinuðu þjóðirnar skipti sköpum 🇺🇳 Jafnrétti...

Náttúran er að senda okkur skýr skilaboð

COVID-19 faraldurinn er alvarleg áminning til okkar allra um að hlúa að nátturunni og...

Álit framkvæmdastjóra