19.febrúar 2016. Alþjóðlegur dagur helgaður félagslegu réttlæti er haldinn 20.febrúar, á vettvangi Sameinuðu þjóðanna.
Ban Ki-moon, aðalframkvæmdastjóri samtakanna segir að útilokun og ójafnrétti færist í vöxt í heiminum
“Félagslegt réttlæti verður að vera miðlægt í öllu okkar starfi,” segir Ban í ávarpi á alþjóðadeginum.
“Nú þegar útilokun og ójöfnuður færast í vöxt, verðum við að efla viðleitni okkar í að tryggja að allir, án nokkurar mismununar, geti öðlast tækifæri til að bæta líf sitt og annara. Við verðum að byggja upp samfélög í þágu allra, efla sómasamlega atvinnu, treysta félagslega vernd og hlúa að fólki sem lifir á jaðri samfélagsins.”
Ban segir að stefna beri að sjálfbærri velmegun og félagslegu réttlæti í heiminum og um leið draga úr þeirri hættu sem stafar að umhverfinu. Skapa verði nýja sýn í efnahagsmálum sem henti betur núverandi aðstæðum í heiminum.
