19. nóvember 2012. Á hverjum einasta degi, sjö þúsund og fimm hundruð manns deyja af völdum skorts á hreinlætisaðstöðu, þar af eru fimm þúsund börn innan fimm ára aldurs. Á hverju ári fara 272 milljónir skóladaga forgörðum vegna sjúkdóma sem smitast í gegnum vatn eða vegna skorts á hreinlætisaðstöðu.
Þriðji hver maður í heiminum hefur ekki aðgang að mannsæmandi hreinlætisaðstöðu samkvæmt upplýsingum Sameinuðu þjóðanna
Alþjóða klósettdagurinn er haldinn á hverju ári 19. nóvember til þess að rjúfa þá bannhelgi sem er í kringum salerni og beina athyglinni að þeim vanda sem felst í skorti á hreinlætisaðstöðu.
“Það er hægt að berjast gegn ójöfnuði á ólíklegasta stað: á klósettinu”, segir Catarina de Albuquerque, sérstakur erindreki Sameinuðu þjóðanna um þau mannréttindi að hafa aðgan að drykkjarvatni og hreinlætisaðstöðu á Alþjóða klósettdaginn. .
Skilaboð de Albuquerque eru einföld: “Það er stórt skref í átt til betra lífs að útvega fólki hreinlætisaðstöðu. Þetta snýst einfaldlega um sómasamlegt klósett af öllum hlutum.”
Hér eru fjórar góðar ástæður til að taka Aþjóða klósettdaginn alvarlega:
• 2.5 miljarðar manna hafa ekki aðgang að hreinu salerni
Vissir þú að þriðji hver maður í heiminum hefur ekki aðgang að öruggu og hreinu salerni í einrúmi? Flestir búa í Afríku sunnan Sahara og Asíu. Aðgangur að einföldu salerni getur verið skref í átt til heilbrigðs, sómasamlegs lífs, aukins jafnréttis kynjanna og efldrar þróunar.
• Aðgangur að hreinlætisaðstöðu er mannréttindi
Vissir þú að 1.1 milljarður manna þarf að ganga örna sinna á víðavangi? Flestir búa í dreifbýli. Þetta fólk hefur enga aðstöðu til þess að fara á salerni í einrúmi: fyrir þetta fólk snýst þetta um mannlega reisn og mannréttindi.
• Örugg salerni auka líkur á menntun stúlkna
Vissir þú að konur eru á blæðingu í þrjú þúsund daga á æfinni? Fyrir unglingsstúlkur getur aðgangur að hreinum og aðskildum salernum í skólum skipt sköpum um frammistöðu þeirra og aukið líkur á að þær klári skólagöngu.
• Góð hreinlætisaðstaða er góð efnahagsleg fjárfesting
Vissir þú að fyrir hver króna sem er fjárfest í hreinlætisaðstöðu skilar sér fimmfalt til baka? Hreinlætisaðstaða er góð fjárfesting og mikilvæg fyrir félagslega og efnahagslega þróun. Reyndar eru góð salerni ein besta fjárfesting sem völ er á í hverju ríki.
Sjá nánar: www.worldtoiletday.org/ og http://www.ohchr.org/EN/Issues/WaterAndSanitation/SRWater/Pages/AnnualReports.aspx
Mynd:UNICEF/Giacomo Pirozzi
