4.desember 2015. Eiffel-turninn er eitt helsta tákn Parísar og því ekki að undra að hann hafi verið miðpunktur ýmiss konar viðburða í tengslum við Loftslagsráðstefnuna COP21.
Fyrri viku COP21 var gestum og gangandi gefinn kostur á að taka þátt í átakinu 1 hjarta 1 tré, en gegn 10 evru eða hærra gjaldi, var mynd af tré varpað á Eiffel turninn og féð síðan notað til gróðursetningar.
Síðari vikuna hefur turninn verið vettvangur „Mannlegrar orku“ en nafnið vísar til að ljós lýsa upp Eiffel turninn sem knúin eru mannlegri orki. Notendur Runstatic tækninnar, 75 milljónir talsins, eru hvattir til þess að hlaupa í þágu loftslagsins en jafnvirði allra kaloría sem brennt er í slíku hlaupi munu notaðar til að lýsa upp Eiffel-turninn.
Það er Yann Toma, prófessor í listum við Sorbonne-háskóla sem stendur fyrir þessu verki en stefnt er að því að slá met um fjölda fólks sem tekið hefur þátt í gerð eins listaverks. Upphaflega átti almenningur að knýja ljósin með því að hjóla á hjólum sem koma átti fyrir viið turninn, en breyta varð fyrirætlununum vegna hryðjuverkanna í París 13. Nóvember.