A-Ö Efnisyfirlit

Ein milljón dýra og plantna eru í hættu

Ein milljón dýra – og jurtategundna í heiminum eru í útrýmingarhættu. Þegar grafið er undan fjölbreytileika lífríkisins steðjar ógn að sama skapi að mannkyninu.

Auk umhverfisþátta er þetta heilsuvá því aðgangur okkar að matvælum og lyfjum minnkar. Þema Alþjóðlegs dags líffræðilegrar fjölbreytni  er „Lausnin felst í náttúrunni“.  Í þeim boðskap er lögð áhersla á von, samstöðu og alþjóðlega samvinnu um að byggja upp framtíð sem hefur að leiðarljósi að lifa í sátt og samvinnu við náttúruna.

Til þess að draga úr skakkaföllum af völdum loftslagsbreytinga er nauðsynlegt að vernda og stýra líffræðilegum fjölbreytileika með sjálfbærni í huga. Sama máli gegnir um varðveislu ferskvatns og fæðuöryggi og jafnvel að hindra útbreiðslu farsótta.

„COVID-19 átti rætur að rekja til villtra dýra, “ segir António Guterres aðalframkvæmdastjóri Sameinuðu þjóðanna.  „Það sýnir okkar að heilbrigði mannkynsins tengist samskiptum okkar við náttúrunnar.“

Siðmenningin byggir á auðæfum lífræðilegrar fjölbreytni. Fimmtungur dýrapróteins þriggja milljarða manna kemur úr fiski. Meir en 80% fæðu mannsins er sóttur til jurta. Allt að 80% fólks í dreifbýli í þróunarríkjum treystir á lækningalyf sem unnin eru úr jurtum.

Tap líffræðilegrar fjölbreytni ógnar öllum, þar á meðal heilsu okkar. Sýnt hefur verið fram á að mannsmitanlegir dýrasjúkdómar geta aukist eftir því sem fjölbreytni lífríkisins minnkar. Hins vegar eru möguleikar okkar á að sigrast á faröldrum á borð við kórónaveiruna góðir ef við viðhöldum fjölbreytninni.

 

Fréttir

Til heiðurs lungum jarðar

Hafið er okkur uppspretta fæðu, lífsviðurværis og þjónar samgöngum og viðskiptum jarðarbúa. Og sem lungu...

Hálfur milljarður í bóluefni gegn COVID-19

Katrín Jakobsdóttir, forsætisráðherra, hefur tilkynnt um framlag Íslands til sérstaks aðgerðabandalags fjölmargra ríkja, fyrirtækja...

Að efla réttindi kvenna

🇺🇳 75 ára afmæli – 75 dæmi um að Sameinuðu þjóðirnar skipti sköpum 🇺🇳 Jafnrétti...

Náttúran er að senda okkur skýr skilaboð

COVID-19 faraldurinn er alvarleg áminning til okkar allra um að hlúa að nátturunni og...

Álit framkvæmdastjóra