Eldgos og innflytjendur til umfjöllunar á fundi nefndar Sameinuðu þjóðanna um réttindi á Íslandi

Efnahagsleg, félagsleg og menningarleg réttindi

Málefni Íslands voru tekin fyrir í reglubundinnni yfirferð Nefndar Sameinuðu þjóðanna um efnahagsleg, félagsleg og menningarleg réttindi í Genf í dag og í gær.

Sérfræðingar nefndarinnar fögnuðu því að Ísland ætlaði að koma upp sérstakri mannréttindastofunun. Þá spurðu þeir fulltrúa Íslands út í aðgang innflytjenda að sérhæfðum störfum og um áhrif eldgossins á Reykjanesi.

Benedikt Árnason ráðuneytisstjóri og Elísabet Gísladóttir lögfræðingur í félags- og vinnumarkaðsráðuneytinu á fundi nefndarinnar.

Nokkrir sérfræðinganna beindu kastljósinu að málefnum innflytjenda og hvaða áhrif nýleg fjölgun þeirra hefði haft. Bent var á að atvinnuleysi væri meira meðal innflytjenda en landsmanna almennt og illa launuð störf, sem krefðust lítillar hæfni, kæmu í þeirra hlut. Spurt var hvað ríkisstjórnin gerði til að þess að yfirvinna tungumála-þröskuldinn.

Silja Stefánsdóttir lögfræðingur í mennta og barnamálaráðuneyti og Ragnheiður Kolsöe frá fastanefnd Íslands hjá Sameinuðu þjóðunum í Genf.

Jarðeldar á Reykjanesi

Jafnframt var spurt hvort ríkisstjórnin hefði á prjónunum að kaupa hús fólks sem hrakist hefði frá Grindavík vegna jarðeldanna á Reykjanesi.

Benedikt Árnason ráðuneytisstjóri forsætisráðuneytisins kynnti skýrslu íslenskra stjórnvalda. Hann sagði að hlutfall innflytjenda hefði hækkað á fáum árum úr 8 í 20%. 89% innflytjenda væru í vinnu og væri það hæsta hlutfall í aðildarríkjum OECD. Ríkisstjórnin hefði veitt fé í febrúar síðastliðnum til að efla tungumálanám innflytjenda. Þá væru þeir hvattir til að ganga í verkalýðsfélög og eiga aðild að lífeyrissjóðum.

Laura-Maria Craciunean-Tatu, formaður nefndarinnar.

Sendinefndin svaraði spurningum um eldgosið og kom fram að ríkkistjórnin hefði gefið íbúum tækifæri á að selja ríkinu eða einkaaðilum hús sín. Stjórnin væri að gaumgæfa áætlanir um endurreisn og þróun Grindavíkur.

Löggjöf til fyrirmyndar en fjöldi innflytjenda áskorun

Mohammed Amarti talsmaður nefndarinnar að löggjöf Íslands til að takast á við mismunun og launamisrétti væri umtalsverð og háþróuð. Þá lægju fyrir jákvæðar áætlanir um að vernda efnahagsleg, félagsleg og menningarleg réttindi og berjast gegn fátækt.

Hins vegar hefði fjölgun innflytjenda á síðustu árum reynst töluvert áskorun þegar efnahagsleg, félagsleg og menningarleg réttindi væru annars vegar.

Samantekt um yfirferð nefndarinnar á málefnum Íslands má sjá hér.

Gögn sem lögð voru fram má sjá hér.

Myndbandsupptökur af fundum má sjá hér.