António Guterres, níundi aðalframkvæmdastjóri Sameinuðu þjóðanna tók við embætti 1.janúar 2017. Hann var endurkjörinn af Allsherjarþinginu og sór embættiseið öðru sinni 18.júní 2021. Kjörtímabili hans lýkur í árslok 2026.
Guterres var forstjóri Flóttamannahjálpar Sameinuðu þjóðanna (UNHCR) frá júní 2005 til desember 2015.
Hann var í rúma tvo áratugi í ríkisstjórn og í opinberri þjónustu í Portúgal og var forsætisráðherra landsins frá 1995 til 2002. Guterres var kosinn á prortúgalska þingið 1996 og sat þar í 17 ár.
Hann var forseti Alþjóðasambands sósíalista frá 1995 til 2005.
Guterres er félagi í Club de Madrid, félagsskap fyrrverandi lýðræðislega kjörinna forseta og forsætisráðherra alls staðar að úr heiminum.
Guterres fæddist í Lissabon árið 1949 og lauk prófi í verkfræði frá Instituto Superior Técnico. Hann talar portúgölsku, ensku, frönsku og spænsku reiprennandi. Hann er kvæntur Catarina de Almeida Vaz Pinto, varaborgarstjóra Lissabon á sviði menningar. Hann á tvö börn, stjúpson og þrjú barnabörn.
