António Guterres aðalframkvæmdastjóri Sameinuðu þjóðanna kynnti í dag ákall um aðgerðir í þágu mannréttinda á ráðherrafundi Mannréttindaráðs samtakanna í Genf.
„Ég er kominn á fund Mannréttindaráðsins…til að ýta úr vör ákalli um aðgerðir,“ sagði Guterres.
„Og ég kem nú – á 75.afmælisári Sameinuðu þjóðanna- vegna þess að mannréttindi eru skotspónn árása…Fólk er skilið eftir. Ótti vex. Flokkadrættir aukast. Sumir leiðtogar færa sér í nyt fram að ystu mörkum kvíða til að breikka gjár á milli fólks . Öfugsnúnar pólitískar reikningskúnstir hafa skotið rótum sem fela í sér að sundra fólki til að auka atkvæðafjölda.“
Í ræðu sinni sagði Guterres að ákallið um aðgerðir næði til sjö sviða þar sem „samhæfð viðleitni gæti haft ruðningsáhrif í þágu framþróunar eða dregið úr hættu á afturför.”
Sviðin sjö sem Guterres nefndi í ræðu sinni eru:
• Réttindi í fyrirrúmi í sjálfbærri þróun
„Langflest heimsmarkmiðanna og undirmarkmiða eiga sér samsvörun í lagalega bindandi mannréttinda ákvæðum sem hvert aðildarríki hefur undigengist.”
• Réttindi á hættutímum.
„Ég vil leggja áherslu á að jafnvel nauðsynlegar aðgerðir til höfuðs hryðjuverkum mega ekki grafa undan mannréttindum. Annars eru þær öfugvirkandi.“
• Jafnrétti kynjanna.
„Sú viðleitni hefst á heimavígstöðvunum. Frá 1.janúar ríkir kynjajafnvægi í æðstu stórn Sameinuðu þjóðanna 90 karlar og 90 konur skipa stöður framkvæmdastjóra og aðstoðarframkvæmdastjóra.“
• Þátttaka almennings.
„Við munum taka saman áætlun fyrir allt okkar kerfi sem miðar að þvi að efla og vernda borgaralegan vettvang og valdefla borgaralegt samfélag.“
• Réttindi komandi kynslóða.
„Loftslagsváin er alvarlegasta ógnun við framtíð okkar sem tegundar og er nú þegar ógnun við mannréttindi um víða veröld.“
• Sameiginlegar aðgerðir.
„Fjölþjóðasamskipti verða að vera opnari, með breiðara tengslanet og hafa mannréttindi í forgrunni.“
• Ný svið mannréttinda.
„Framþróun í andlitsgreiningingar-forritum, vélmennum, stafrænum sérke3nnum og líftækni má ekki grafa undan mannréttindum, auka á ójöfnuð og vera vatn á myllu fyrirliggjandi mismununar.“