Tillagan um leiðtogafund framtíðarinnar á uppruna sinn í skýrslunni Sameiginleg verkefni okkar (Our Common Agenda). Skýrslan var svar aðalframkvæmdastjóra Sameinuðu þjóðanna við beiðni aðildarríkjanna um að setja fram hugmyndir um hvernig betur mætti bregðast við áskorunum í nútíð og framtíð.
Skýrslan um sameiginlegu úrlausnarefnin hvatti til endurnýjunar trausts og samstöðu á öllum stigum – milli þjóða, landa og kynslóða. Þar voru færð rök fyrir grundvallarendurskoðun á pólitískum, efnahagslegum og félagslegum kerfum okkar með það fyrir augum að þau verði sanngjarnari og skilvirkari öllum til hagsbóta. Hún mælti einnig með samsvarandi endurnýjun fjölþjóða kerfisins. Leiðtogafundur um framtíðina skyldi vera afgerandi tímapunktur til að ná samkomulagi um mikilvægustu nauðynlegu umbæturnar.
Aðildarríkin samþykktu að halda leiðtogafundinn í september 2024. Þau voru einnig sammála um að niðurstaða leiðtogafundarins yrði – Sáttmáli framtíðarinnar.
Þau lýstu megintilgangi leiðtogafundarins og sáttmálans:
- – að staðfesta sáttmála Sameinuðu þjóðanna,
- – að endurlífga fjölþjóðlegt samstarf,
- – að tryggja efndir á fyrirliggjandi skuldbindingum,
- – að ná samkomulagi um lausnir á nýjum viðfangsefnum, og
- – að endurvinna traust.
YFIRLIT LEIÐTOGAFUNDAR [PDF]
SAGA LEIÐTOGAFUNDARINS
SAMEIGINLEGAR STEFNUSKRÁR
Hvernig mun leiðtogafundur framtíðarinnar greiða fyrir Heimsmarkmiðunum um sjálfbæra þróun?
Heimsmarkmiðin um sjálfbæra þróun eru illa á veg komin.
Leiðtogafundurinn um framtíðina mun greiða fyrir því að hægt sé að innleiða Dagskrá 2030 um sjálfbæra þróun.
Það verður gert með því að byggja á niðurstöðum leiðtogafundar heimsmarkmiðanna 2023.
Auk þess mun fundurinn leiða til umbóta í alþjóðlegu samstarfi sem gerir okkur kleift að leysa vandamál í sameiningu.
Við munum geta virkjað ný tækifæri til hagsbóta fyrir alla, ekki bara hina fáu, og stýrt áhættunni á skilvirkari hátt.
Sérhver tillaga sem aðalframkvæmdastjórinn leggur fram til umfjöllunar á leiðtogafundi framtíðarinnar mun hafa augljós áhrif á framgang heimsmarkmiðanna.