Parísarsamningurinn.
Norðurlöndin voru ekki í hópi aðeins 13 af 195 aðilum Parísarsamningsins um viðnám við loftslagbreytingum sem höfðu skilað inn áætlunum um loftslagsaðgerðir þegar frestur til þess rann úr 10.febrúar.
Aðildarríkjum Parísarsamningsins ber að gera Loftslagsstofnun Sameinuðu þjóðanna (UNFCC) reikningsskil á fimm ára fresti samkvæmt ákvæðum Parísarsamningsins. Í svokölluðum landsáætlunum (Nationally Determined Contributions (NDCs)) taka aðildarríki saman áætlanir sínar í loftslagsmálum.
Þær eiga samanlagt að tryggja að hitastig á jörðunni aukist ekki meir en sem nemur 1.5 gráðu á Celsius miðað við upphaf iðnbyltingar. Næstu landsáætlanir eiga að innihalda aðgerðir sem ná til ársins 2035.
Frestur framlengdur
Sameinuðu þjóðirnar hafa brugðist við með því að gefa ríkjum lengri frest til að skila „gæðaáætlunum.”
„Þessar landsáætlanir eru á meðal mikilvægustu stefnumótunarskjölum ríkisstjórna á þessari öld. Þess vegna skipta gæði þeirra höfuðmáli,“ sagði Simon Stiell yfirmaður Loftslagsstofnunar Sameinuðu þjóðanna í ræðu í Brasilíu.
Þar fer næsta Loftslagsráðstefna samtakanna fram í borginni Belem 10.-21. nóvember og er þrítugasta þing aðildarríkja loftslagssamninga og því nefnd COP30.
„Það er skynsamlegt að gefa meiri tíma til að tryggja að gæðaáætlunum sé skilað, sem sýni skýrt fram á hvernig þær gagnist þessu átaki og hver uppskeran verði.“
Bandaríkin og Bretland skiluðu tímanlega
Frestur til að skila áætlunum verður í september til að nýtast á COP30 í Brasilíu.
Á meðal stórra hagkerfa sem ekki voru tilbúin tímanlega með landsáætlanir voru Evrópusambandið, Kína og Indland. Hins vegar skiluðu Bandaríkin, Brasilía og Bretland sínum landsáæt
lunum fyrir 10.febrúar. Það gerðu einnig Andorra, Ekvador, Marshall eyjar, Nýja Sjáland, Sameinuðu arabísku furstadæmin, Sankti Lucia, Singapore, Sviss og Úrúgvæ.