5.nóvember 2013. Líkurnar á því að hægt verði að halda kostnaði niðri munu óðfluga minnka ef alþjóðasamfélagið grípur ekki til aðgerða í loftslagsmálum
, segir í nýrri skýrslu Umhverfisstofnunar Sameinuðu þjóðanna. Nauðsynlegt er að minnka losun efna sem valda gróðurhúsaáhrifum. Þetta eru helstu niðurstöður skýrslu þar sem metið er hvert þanþol jarðarinnar er ef halda á hækkun hitastigs undir 2°C.
Skýrslan the Emissions Gap Report 2013 er meiriháttar vísindaleg úttekt á vegum UNEP og gefin út nú þegar ríki heims setjast að samningaborði í loftslagsmálum í Varsjá í Póllandi.
Ef bilið á milli núverandi losunar og þess sem til þarf til að halda hitanum undir 2 gráðum, er ekki brúað, mun reynast enn erfiðara að minnka áhrif hækkunar hitans eftir 2020.
Jafnvel þótt ríki heims standi við fyrirheit sín í loftslagsmálum, er líklegt að losun gróðurhúsalofttegunda 2020 verði umtalsvert meiri en svo að kostnaðarminnstu leiðir verði færar.
Vísindamenn eru á einu máli um óafturkræfur skaði á umhverfinu muni aukast verulega ef ekki tekst að halda meðaltals hlýnun jarðar undir 2°C, miðað við fyrir iðnbyltingu. Síðasta skýrsla Loftslagsnefndar Sameinuðu þjóðanna staðfestir að “einstaklega líklegt” sé (95-100% líkur) á að hlýnun jarðar sé af mannavöldum.
70 vísindamenn úr 55 hópum í 17 ríkjum unnu skýrslunar sem þýska umhverfisráðuneytið fjármagnaði.
Sjá einnig: http://www.unep.org/climatechange/