2.júlí 2014. Vakandi, nýstofnuð samtök til að berjast gegn sóun matvæla og UNRIC, hafa sameinast um vefsíðu um þetta baráttumál og er hún hýst á vef Sameinuðu þjóðanna á íslensku www.unric.org/is/vakandi.
Vakandi hefur ýmislegt á prjónunum og ber þar tvennt hæst. Annars vegar standa samtökin að fjölskylduhátið í Hörpunni í Haust um sóun matvæla og hins vegar er stefnt að gerð heimildamyndar.
Á vefsíðunni má finna fréttir um málefnið og ráðleggingar um hvernig má varast að sóa matvælum. Til mikils er að vinna því talið er að á hverju heimili sé þriðjungi matvæla sóað, og meðaleyðsla er í kringum ein milljón á ári – sparanður gæti því verið allt að þrjú hundruð þúsund á hverju einasta ári. Meira um þetta á nýju vefsíðunni hér.
Eins og sjá má af myndinni er ekkert nýtt undir sólinni og lengi hefur verið reynt að benda á skaðsemi sóunar matvæla. Sameinuðu þjóðirnar hafa barist fyrir þessu málefni, til dæmis í herferðinni Think.Eat.Save – Reduce your Foodprint.