Jafnrétti kynjanna. Brúun kynjabilsins í nýsköpun og tækni er í brennidepli á 67. fundi kvennanefndar Sameinuðu þjóðanna (CSW67), sem nú stendur yfir í New York.
Nætu tvær vikur munu fulltrúar víðs vegar að úr heiminum frá ríkisstjórnum, Sameinuðu þjóðunum, borgaralegu samefélagi og æskulýðshópum sitja á rökstólum. Þeir munur æða hvernig hægt sé að stuðla að jafnrétti kynjanna, valdeflingu og ná heimsmarkmiðunum um sjálfbæra þróun á stafrænum tímum.
Fundurinn gengur undir nafninu og myllumerkinu CSW67. Þar verður kastljósinu einnnig beint að ofbeldi á netinu og öðrum hættum, sem stafa að konum og stúlkum. Jafnframt verður rætt um þörfina á gæðamenntun á upplýsingaöld.
Fremlenging ójöfnuðar
Í opnunarræðu sagði Mathu Joyini formaður CSW67 að á sama tíma og stafræn tækni umbylti samfélögum með skjótum hætti, ýtti hún undir nýjar og djúpstæðar áskoranir. Þær kunnu að framlengja og dýpka núverandi kynbundinn ójöfnuð.
„Kynbundin mismunun er kerfisbundið vandamál sem er inngróið í pólitísk, félagslegt og efnahagsleft líf og tækni-geirinn er engin undanteking,“ sagði hún.
Grafið undan framförum
António Guterres aðalframkvæmdastjóri Sameinuðu þjóðanna sagði að nú þegar kvennanefndin kæmi saman til fundar væru farmfarir í réttindamálum kvenna að hverfa. Hann minntist sérstaklega á Afganistan þar sem konur hafa verið þurrkaðar út úr opinberu lífi og jafnrétti er sífellt fjarlægari draumur.
„Umræðuefnið í ár gæti ekki verið tímabærara,“ sagði hann „Konur og stúlkur eru að verða eftir nú þegar tæknin æðir áfram. Brúa verður kynjabilið,“ sagði hann.
Sjá einnig hér.
, sem nú stendur yfir í New York.){kind=link}