Finnland og Bandaríkin í Mannréttindaráð Sameinuðu þjóðanna

0
616
Koningin á Allsherjarþinginu í gær. UN Photo/Loey Felipe

Finnland og Bandaríkin voru á meðal 18 ríkja sem voru kosin í Mannréttindaráð Sameinuðu þjóðanna í gær.

Ríkin 18 munu sitja í ráðinu í þrjú ár frá 1.janúar 2022 að telja.

Finnland fékk 180 atkvæði í kosningunni á Allsherjarþinginu í gær. Finnland var, ásamt Bandaríkjunum og Lúxemborg, kosið sem fulltrúi ríkjahóps Vestur-Evrópu og annara. Finnland hefur einu sinni áður setið í ráðinu 2006-2007 þegar það var nýstofnað.

Michelle Bachelet mannréttindastjóri Sameinuðu þjóðanna (3.frá vinstri) við upphaf 48.fundar Mannréttindaráðsins. UN Photo/Violaine Martin

„Finnland er reiðubúið að axla ábyrgð og starfa með ólíkum aðilum til þess að tryggja að mannréttindi séu ekki aðeins orðin tóm,“ sagði Pekka Haavisto utanríkisráðherra í gær.

„Reglubundið milliríkjasamstarf og virðing fyrir mannréttindum eru lykilatriði til að tryggja velferð og öryggi finnsks samfélags. Sama máli gegnir um baráttu fyrir friði í heiminum, öryggi og sjálfbæra þróun.“

Finnland sest í ráðið um leið og kjörtímabili Danmerkur lýkur og er því eitt Norðurlandanna í Mannréttindaráðinu.

Bandaríkin sögðu sig úr ráðinu 2018 í forsetatíð Donalds Trump. Sökuðu þaul stofnunina um hræsni og andúð á Ísrael. Ísland var kosið í þeirra stað.

Allsherjarþing Sameinuðu þjóðanna stofnaði Mannréttindaráðið 2006. 47 ríki sitja hverju sinni í ráðinu.