Alþjóðlegur dagur menntunar.
Notkun gervigreindar í skólastarfi er ekkert síður í brennidepli á Íslandi en á alþjóðavettvangi. UNESCO, Mennta,-vísinda- og menningarstofnun Sameinuðu þjóðanna leggur áherslu á að notkun gervigreindar megi ekki vera á kostnað mannlega þáttarins, ef svo má segja, að tækninni beri að vera þjónn, en ekki húsbóndi nemenda og kennara. Alþjóðlegur dagur menntunar 24.janúar, en þema dagsins er gervigreind og menntun.
Gervigreindin hefur þegar bankað að dyrum íslenskra skólastofa og hefur Miðstöð menntunar og skólaþjþonustu nú þegar hafi innleiðingu hennar í samstarfi við kennara.
„Miðstöð menntunar og skólaþjónustu lítur á gervigreind sem mikilvægt tæki til að styðja kennara, auka skilvirkni og laga námsefni að þörfum nemenda,” segir Páll Ásgeir Torfason stafrænn leiðtogi hjá miðstöðinni í viðtali við UNRIC.
„Við vinnum með kennurum að ábyrgri innleiðingu og þróun lausna eins og Björgin, sem hjálpar kennurum að fá betri yfirsýn yfir námsefni og styður einstaklingsmiðað nám.”
Viljum vera leiðandi í þróun gervigreindar
Björgin er, að sögn Páls Ásgeirs, hönnuð til að styðja kennara við val á kennsluefni með það að markmiði að tryggja að kennarar hafi yfirlit yfir það námsefni sem er í boði. Jafnframt stuðlar Björgin að því að hver nemandi fái námsefni við hæfi. „Þetta frumkvæði hefur vakið athygli alþjóðlegra aðila, þar á meðal þekktra fyrirtækja, sem hafa lýst áhuga á að styðja verkefnið,” skrifaði Páll Ásgeir í blaðagrein nýlega.
Í viðtali við vefsíðu UNRIC segir Páll Ásgeir að ýmislegt fleira sé á döfinni. „Í náinni framtíð munum við kynna ýmsar nýjar lausnir fyrir kennara til að efla námsefnisúrval, tengja kennslu við aðalnámskrá, efla símenntun kennara og veita nemendum með fjölbreyttan menningar- og tungumálabakgrunn betri stuðning,” segir Páll Ásgeir. „Með þessu viljum við vera leiðandi í þróun gervigreindar í menntamálum.