Innrás Rússa í Úkraínu hefur kostað þúsundir mannslífa, flótta milljóna manna og miklu eignatjóni, en afleiðingarnar teygja anga sína um allan heim.
Meir en helmingur sólblómaolíu heims og 30% hveitis í heiminum kemur frá Rússlandi og Úkraínu. Helmingur hveitis sem Matvælastofnun Sameinuðu þjóðanna (WFP) kaupir til að koma til bágstaddra í heiminum kemur frá Úkraínu einni.
Matur, eldsneyti og áburður hefur snarhækkað í verði. Birgðaflutningar hafa raskast. Og verð og áreiðanleiki flutninga innfluttrar vöru, þegar hún fæst, hefur sjaldan verið hærra.
„Allt þetta kemur harðast niður á hinum fátækustu í heiminum,“ sagði António Guterres aðalframkvæmdastjóri Sameinuðu þjóðanna á fundi Öryggisráðs Sameinuðu þjóðanna í gær. „Nú er sáð fræjum óstöðugleika og óróa um allan heim.“
45 Afríkuríki sem eru í hópi vanþróuðustu ríkja heims, flytja inn að minnsta kosti þriðjung hveitis frá Úkraínu og Rússlandi. 18 þeirra flytja inn þaðan meir en helming.
COVID og loftslagsbreytingar
„Við verðum að gera allt sem í okkar valdi stendur til að koma í veg fyrir flóðbylgju hungurs og hruns alþjóðlega matvælakerfisins,” sagði Guterres. „Þar að auki sjást þess skýr merki að þetta stríð hefur sogað til sín fjármagn og dregið til sín athygli frá öðrum svæðum þar sem neyð ríkir.”
Aðalframkvæmdastjórinn hvatti ríki heims til að fitja upp á skapandi lausnum til að fjármagna mannúðar- og þróunarstarf um allan heim, sýna rausn og láta þegar í stað af hendi fé sem lofað hefur verið.
„Í stuttu máli má segja að þróunarríkjum er greitt bylmingshögg. Þau standa andstæpanis hverri raun á fætur annari. Fyrir utan stríðið í Úkraínu skulum við ekki gleyma COVID og áhrifum loftslagsbreytinga, sérstaklega þurrkum.“
 kaupir til að koma til bágstaddra í heiminum kemur frá Úkraínu einni.){kind=link}