IPCC: Hiti í Evrópu eykst hraðar en annars staðar

 Hitastig í Evrópu mun hækka hraðar en heimsmeðaltalið að því er fram kemur í köflum um einstaka heimshluta í nýlegri skýrslu Loftslagsnefndar Sameinuðu þjóðanna (IPCC). 

„Loftslagsbreytingar eru nú skilgreindar sem neyðarástand á heimsvísu og því hefur „rauð aðvörun“  verið gefin út“, segir Selwin Hartaðstoðarframkvæmdastjóri Sameinuðu þjóðanna á sviði loftslagsaðgerða.

„Þessi tímamótaskýrsla tekur saman þann skaða sem þegar hefur orðið í Evrópu og búist er við að verði enn meiri.“

Hitastig mun hækka um alla Evrópu hraðar en að meðaltali í heiminum að því er fram kemur í skýrslunni. Yfirborð sjávar mun hækka alls staðar í álfunni í takt við eða meira en að meðaltali í heiminum. Eina undantekningin er Eystrasaltið.

Tíðni öfgafullra hitabylgja mun aukast á næstu áratugum og jöklar og snjóbreiður munu halda áfram að láta undan síga. Sá tími sem snjókomu gætir mun styttast.

Öfga-hiti í Evrópu

Hér eru helstu niðurstöður skýrslu IPCC um Evrópu:

• Tíðni og styrkleiki öfga-hitabylgna hafa aukist, þar á meðal í hafinu. Því er spáð sú aukning haldi áfram óháð því hversu mikil eða lítil losuna gróðurhúsalofttegunda verður. Sársaukamörk fyrir mörg vistkerfi og mannkynið eru hækkun hitastigs um 2°C eða meira.
• Tíðni mikilla kulda og frost-daga mun minnka samkvæmt öllum þeim sviðsmyndum sem rannsökuð voru í skýrslu IPCC.
• Meiri úrkomu er spáð að vetri til í norðurhluta Evrópu. Búist er við að sú minnkun úrkomu sem spáð er að sumri við Miðjarafið muni færast til norðlægari slóða. Þá má búast við fleiri ofsa-rigningum og að ár flæði yfir oftar yfir bakka sína ef hækkun hitastigs verður 1.5°C eða meiria. Þetta á við um alla Evrópu nema Miðjarðarhafssvæðið.

• Óháð því hve hlýnun jarðar verður mikil, mun yfirborð sjávar hækka alls staðar í Evrópu nema við Eystrasaltið nálægt eða meira en heimsmeðaltal. Búist er við að þessar breytingar haldi áfram eftir 2100.
• Tíðni öfgafulls veðurfars sem tengist hækkun yfirborðs sjávar mun aukast. Þetta mun birtast fyrst og fremst í flóðum við ströndina. Sendnar strendlengjur munu hörfa alla 21.öldina.
• Jöklar, sífreri og snjóþekjur munu minnka og sá tími sem snjór þekur hálendi mun styttast í hlýnandi heimi.

Líf milljarða manna í hættu

 „Hringingar viðvörunarbjallnanna eru ærandi og sönnunargögnin eru óhrekjanleg: gróðurhúsalofttegundir frá brennslu jarðefnaeldsneytis og eyðing skóga eru að kæfa plánetuna okkar og setja líf milljarða manna í hættu,” sagði António Guterres aðalframkvæmdastjóri Sameinuðu þjóðanna þegar skýrsla IPCC kom út 9.ágúst.

„Hvert gráðubrot skiptir máli. Uppsöfnun gróðurhúsalofttegunda hefur aldrei verið meiri í andrúmsloftinu. Öfgaveðurfar og náttúruhamfarir af völdum loftslagsins verða sífellt algengari og öflugri. Þess vegna verður Loftslagsráðstefna Sameinuðu þjóðanna í Glasgow síðar á árinu afar mikilvæg,” sagði Guterres.

Sjá nánar hér.