Ísland: framlög til UNRWA greidd fyrr en ætlað var

Thorgerdur Katrin Gunnarsdottir, Iceland´s new Foreign Minister — Þorgerdur Katrin Gunnarsdottir, ávarpar fund Sameinuðu þjóðanna sem sjávarútvegsráðherra 2017. Mynd: UN Photo/Evan Schneider

Þorgerður Katrín Gunnarsdóttir utanríkisráðherra hefur tilkynnt að Ísland muni greiða framlög til UNRWA, Palestínuflóttamannastofnunarinnar, fyrr en áætlað var,“ í ljósi gríðarlegrar mannúðarþarfar.”

Utanríkisráðherra ræddi við forstjóra UNRWA, Philippe Lazzarini, í gær. „Ísland metur mikils það mikilvæga starf sem Lazzarini og starfsfólk hans inna af hendi við afar krefjandi aðstæður,” sagði Þorgerður Katrín á Facebook-síðu sinni.

Þorgerður Katrín ræddi við Lazzarini í síma. Mynd: utanríkisráðuneytið

Hún ræddi einnig við Sigrid Kaag yfirmann mannúðar- og uppbyggingarmála Sameinuðu þjóðanna fyrir Gasa. „Við fórum yfir mikilvægi þess að koma á vopnahléi í Gaza, bæta aðgengi að mannúðaraðstoð og finna leið að lausn fyrir fólkið á svæðinu. Því staðan núna er óviðunandi.”

Khan Younis á Gasasvæðinu 10.apríl 2024. Mynd: UNOCHA/Themba Linden Widespread destruction in Khan Younis. A UN team (OCHA, UNRWA, WHO, WFP, UNMAS, and UNFPA) visited Khan Younis on 10 April following the withdrawal of Israeli troops from that area. They report profound destruction: every building the team visited and most of the buildings observed were damaged, and paved roads had been reduced to dirt tracks. Streets and public spaces are also marred with unexploded ordnance, posing severe risks to civilians. The team recorded unexploded 1,000-pound bombs lying on main intersections and inside schools. Returnees and a handful of people who remained through the fighting told the team that there they faced dire shortages of food and water, compounded by the loss of critical healthcare services due to the destruction of Nasser and Al Amal hospitals. © UNOCHA/Themba Linden — Khan Younis á Gasasvæðinu 10.apríl 2024. Mynd: UNOCHA/Themba Linden

Þessum hryllingi verður að linna

Utanríkisráðherra sagði á Facebook að það væri hennar einlæga trú að alþjóðasamfélagið geti gert meira og talað hærra – fyrir friði og fyrir fólkið sem býr við óhugsandi og grimmilegar aðstæður á degi hverjum.

„Við komuna í utanríkisráðuneytið einsetti ég mér að beita rödd minni hvert sem ég fer, í þágu mannúðar og frelsis…Ísland stendur með saklausum borgurum og börnum sem líða fyrir þessar ólýsanlegu hörmungar. Þessum hryllingi verður að linna.”

Ísland hefur á undanförnum árum stóraukið framlög sín til UNRWA og hefur áður greitt framlög sín fyrir gjalddaga. Haustið 2023 undirrituðu Ísland og UNRWA samning um stuðning Íslands til fimm ára 2024-2028.

Þórdís Kolbrún og Philippe Lazzarini forstjóri UNRWA handsala samninginn í gær í New York — Þórdís Kolbrún Gylfadóttir Reykdal þáverandi utanríkisráðherra og Philippe Lazzarini forstjóri UNRWA handsala samning um stuðning Íslands í New York. Mynd: UNRWA

Klukkan tifar

Svíþjóð hætti í síðasta mánuði stuðningi við UNRWA í kjölfar samþykktar ísraelska þingsins, Knesset, að segja upp samstarfi við UNRWA frá og með janúarlokum. Áður höfðu utanríkisráðherra Norðurlandanna fimm, Danmerkur, Finnlands, Íslands, Noregs og Svíþjóðar varað við samþykkt ályktunarinnar Knessets.

„Klukkan tifar hratt og það er skammt þangað til samþykkt Knesset kemur til framkvæmda,“ skrifaði Philippe Lazzarini forstjóri UNRWA á samskiptamiðilinn X. „Ef hún tekur gildi, þýðir það bann við við starfi UNRWA á herteknum svæðum Palestínumanna. Þetta er hluti af umfangsmeiri viðleitni til að uppræta palestínska sögu og einkenni. Samþykktin kemur til framkvæmda innan tæplega fjögurra vikna.“

Sjá nánar hér: Hvers vegna er bann Ísraels við starfi UNRWA svo alvarlegt?