Þrátt fyrir að Norðurlönd séu framarlega í jafnréttismálum er kynbundið ofbeldi algengara þar en víðast hvar annars staðar í Evrópu. Finnland sker sig nokkuð úr en þar er ástandið sérstaklega slæmt.
57% finnskra kvenna á aldrinum 18–74 segjast hafa sætt líkamlegu og/eða kynferðislegu ofbeldi eða hótunum. Hlutfallið er liltu skárra í Svíþjóð (53%) og Danmörku (48%).
Sérstaklega er ástandið slæmt þegar um ofbeldi er að ræða í nánu samandi. Hlutfallið í Finnlandi er næst hæst innan Evrópusambandsins eða 37.4% en hæst er það í Ungverjalandi. Danir eru ekki langt undan (27.2%).
Ísland er utan Evrópusambandsins en samkvæmt eldri íslenskum tölum er fyllsta ástæða til að ætla að ástandið sé að minnsta kosti ekki mikið skárra. Þannig sögðust 42% íslenskra kvenna hafa orðið fyrir ofbeldi frá 16 ára aldri, um 30% orðið fyrir líkamlegu ofbeldi og 24% sagst hafa orðið fyrir kynferðislegu áreiti að því er fram kemur í skýrslu stjórnvalda frá 2012.
Lægra hlutfall annars staðar í Evrópu
Þetta hlutfall er töluvert hærra en í ríkjum á borð við Frakkland, Spán, Holland og Belgíu eða innan við 19%.
Finnland er einnnig verst þegar um er að ræða ofbeldi utan sambands. Hutfallið er 47% allra kvenna, en á eftir koma Svíþjóð (42%) og Danmörk (38%). Til samanburðar er hlutfallið í Búlgaríu, Póllandi og Tékklandi innan við 10%. Í Evrópusambandsríkjunum er hlutfallið að meðaltali 31%. Það þýðir að 50 milljónir kvenna hafi sætt ofbeldi.
Alþjóðlegur baráttudagur gegn kynbundnu ofbeldi er haldinn 25. nóvember og markar hann upphaf 16 daga aðgerðum gegn kynbundnu ofbeldi fram að Mannréttindadegi Sameinuðu þjóðanna 10.desember. Kastljósinu er að þessu sinni beint gegn stafrænu ofbeldi.