Óháð rannsóknarnefnd um hernumdu palestínsku svæðin. Ísrael. Þjóðarmorð. Börn. Ísraelsk yfirvöld og öryggissveitir hafa vísvitandi beint árásum sínum að palestínskum börnum. Slíkt felur í sér þjóðarmorð, glæpi gegn mannkyni og stríðsglæpi á Gasasvæðinu og stríðsglæpa á Vesturbakkanum. Óháð rannsóknarnefnd um hernumdu palestínsku svæðin, þar á meðal Austur-Jerúsalem, og Ísrael í skýrslu sem birt var 23. júní.
Sama nefnd komst að þeirri niðurstöðu á síðasta ári að Ísrael hefði framið gegn Palestínumönnum á Gasasvæðinu. Í skýrslunni segir að umfangsmiklar og kerfisbuþjóðarmorð ndnar hernaðaraðgerðir Ísraels hafi haldið áfram –og leitt til fordæmalausra dauðsfalla, meiðsla og áfalla meðal palestínskra barna.
Óháð nefnd Sameinuðu þjóðanna
Óháð rannsóknarnefnd um hernumdu palestínsku svæðin var skipuð af Mannréttindaráði Sameinuðu þjóðanna 27. maí 2021 til að rannsaka ásakanir um brot á alþjóðlegum mannúðar- og mannréttindalögum.
Nefndin ítrekar að vísvitandi árásir á börn séu einn af lykilþáttunum sem staðfesta þjóðarmorðsásetning ísraelskra yfirvalda og öryggissveita til að tortíma Palestínumönnum, að öllu leyti eða að hluta, á Gasa.
„Sönnunargögnin sýna að ísraelskar öryggissveitir hafa vísvitandi beint árásum sínum að palestínskum börnum og drepið þau,“ sagði Srinivasan Muralidhar, formaður nefndarinnar. „Jafnvel eftir vopnahléð í október 2025 er haldið áfram að drepa börn og slasa þau alvarlega, þar sem Ísrael sýnir áframhaldandi vanvirðingu við vopnahléið og þá vernd sem palestínsk börn eiga rétt á samkvæmt alþjóðalögum.“
Pyntingar og kynferðislegt ofbeldi
Palestínsk börn hafa verið handtekin og beitt pyntingum og annarri alvarlegri illri meðferð í ísraelskum fangelsum og fangageymslum, án þess að upplýsingar fáist um hvar þau eru niðurkomin. Ísraelskar öryggissveitir hafa einnig beitt börn kynferðisofbeldi sem hluta af sameiginlegri auðmýkingu og kúgun.
Árásir Ísraels á nýbura- og mæðraverndarstöðvar á Gasa hafa haft bein áhrif á lífslíkur nýbura og framtíðar æxlunargetu Palestínumanna. Hungursneyð sem Ísrael hefur komið á með herkví og umsátri hefur enn fremur valdið dauða palestínskra barna og haft alvarleg áhrif á heilsu margra annarra.
„Jafnvel þótt sprengjur og byssur þagni á Gasa og Vesturbakkanum munu palestínsk börn ekki einfaldlega ná sér á einni nóttu,“ sagði Muralidhar. „Eyðilegging heilsu þeirra, menntunar og þroska er óafturkræf.“
Sálrænn skaði
Palestínsk börn hafa orðið fyrir gríðarlegum sálrænum skaða, þar sem þau hafa verið svipt allri öryggiskennd og framtíðarvon.
Með því að beina árásum sínum að börnum er Ísrael að grafa undan grundvallarstoðum palestínsks samfélags, veikja lýðfræðilegan lífskraft og heildargetu palestínsku þjóðarinnar til að viðhalda og nýta rétt sinn til að ákveða framtíð sína sem þjóð.
Ráðist á tilveru Palestínumanna
„Vernd, umönnun og afkoma palestínskra barna eru óaðskiljanleg frá sjálfsákvörðunarrétti palestínsku þjóðarinnar,“ sagði Muralidhar. „Með því að beina árásum sínum að börnum er Ísrael að ráðast á sjálfa tilveru palestínsku þjóðarinnar og möguleika á að ákveða framtíð sína.“
Nefndin skorar á Ísrael að hætta að fremja brot og glæpi gegn palestínskum börnum og sem hafa áhrif á þau. Nefndin kallar ennfremur eftir því að viðvarandi nærveru Ísraels á hernumda Vesturbakkanum, þar á meðal Austur-Jerúsalem, ljúki, í samræmi við ráðgefandi álit Alþjóðadómstólsins.
Einstakar hersveitir nefndar
Nefndin hefur bent á hersveitir innan ísraelsku öryggissveitanna sem bera ábyrgð á drápum og meiðslum palestínskra barna og leggur til við Ísrael og öll aðildarríki að tryggja ábyrgð á slíkum glæpum.
Alþjóðasamfélagið í heild sinni verður að standa við alþjóðlegar lagalegar skuldbindingar sínar og kalla eftir því að átökum linni, að Ísrael bindi enda á hernámið og að ábyrgð og aðgangur fórnarlamba að réttlæti verði forgangsatriði sem óaðskiljanlegur hluti hvers kyns pólitísks ferlis, sem byggir á þýðingarmikilli þátttöku Palestínumanna, þar á meðal barna.
Lesið skýrsluna í heild sinni hér.