Æðsti yfirmaður mannréttindamála hjá Sameinuðu þjóðunum hefur lýst alvarlegum áhyggjum að aðgerðum Bandaríkjanna gegn Francesca Albanese sérfræðingi samtakanna í málum herteknu svæðanna í Palestínu. Talsmaður aðalframkvæmdastjórans tekur í sama streng.
Marco Rubio utanríkisráðherra Bandaríkjanna tilkynnti um refsiaðgerðir gegn Francesca Albanese,sem er óháður sérfræðingur skipuð af Mannréttindaráði Sameinuðu þjóðanna. Henni er gefið að sök að „hafa átt í samvinnu við Alþjóðlega glæpadómstólinn (International Criminal Court (ICC)) í viðleitni til að rannsaka, handtaka eða saksækja þegna Bandaríkjanna eða Ísraels án samþykkti þessara tveggja landa.” Slíkt sé „gróft brot” á fullveldi ríkjanna. Þau eru ekki aðilar að Rómar-samkomulaginu, sem liggur til grundvallar starfi Alþjóðlega glæpadómstólsins.
Hættulegt fordæmi
Stéphane Dujarric talsmaður aðalframkvæmdastjórans gagnrýndi aðgerðirnar og sagði þær setja „hættulegt fordæmi.”
Volker Türk mannréttindastjóri Sameinuðu þjóðanna hvatti til tafarlausrar endurskoðunar refsiaðgerðanna. „Jafnvel þótt þau kunni að vera alvarlega ósammála, ber aðildarríkjum Sameinuðu þjóðanna að vinna á uppbyggilegan hátt í stað þess að grípa til refsinga,” sagði hann.