|
Í ár fær dagurinn sérstaka merkingu því í ár er sextugsafmælis Mannréttindayfirlýsingarinnar minnst. Í ávarpi sínu á þessum degi segir Ban Ki-moon, framkvæmdastjóri: "Það eru náin tengsl á milli grunnhugmynda Mannréttindayfirlýsingarinnar og kenninga Mahatma Gandhi.” Allsherjarþingið samþykkti í ályktun árið 2007 að 2. október ár hvert skyldi helgaður því að íhugun og útbreiðslu kenninga sem byggjast á ofbeldisleysi.
Ban Ki-moon, framkvæmdastjóri Sameinuðu þjóðanna. “Mahatma Gandhi trúði alltaf á aðgerðir. Eins og hann sagði: “örlitlar aðgerðir eru meira virði en endalausar prédikanir.” Við hin getum einungis fylgt í fótspor Gandhis með því að tileinka okkur ofbeldisleysi, réttlæti og frið.” Óformlegur fundur verður haldinn á Allsherjarþinginu í dag í höfuðstöðvum Sameinuðu þjóðanna í New York og munu bæði forseti Allsherjarþingsins og framkvæmdastjóri samtakanna taka til máls. |
