27.júlí 2016. Enn ein tilraun verður gerð til að semja um frið í Sýrlandi í lok ágúst að sögn Staffan de Mistura, sáttasemjara Sameinuðu þjóðanna, en ástandið í Aleppo gæti reynst þrándur í götu.
Um síðustu helgi var ítrekað ráðist á 4 sjúkrahús í borginni, og lést meðal annars tveggja daga gamalt barn.
„Árásir á heilbrigðisstofnanir eru brot á alþjóðalögum og í þeim geta falist stríðsglæpir,” segir í yfirlýsingu frá UNICEF, Barnahjálp Sameinuðu þjóðanna.l
Að mati Alþjóðaheilbrigðismálastofnunarinnar hafa fjörutíu árásir verið gerðar á heilbrigðisstofnanir í ár. Talið era ð 60% sjúkarhúsa í landinu hafi lokað að hluta eða öllu leyti.
Brýnt er að alþjóðasamfélaginu takist að byggja á þeim árangri sem þó hefur náðst við erfiðar aðstæður við að koma mannúðaraðstoð til nauðstaddra í Sýrlandi, að sögn Stephen O´Brien, framkvæmdastjóra á sviðið mannúðarmála hjá Sameinuðu þjóðunum.
„Alþjóðasamfélagið hefur áður sýnt að hægt er ð sameinast um slíkt og verður að gera það að nýju áður en það er um seinan,” sagði hann.
O´Brien lét í ljós áhyggjur af ástandin um allt Sýrlandi og varaði sérstaklega við því að austurhluti Aleppo væri nú í herkví. Talið er að matvæli þar verði á þrotum um miðjan ágúst.