Fimm tonn af rusli hreinsuð á Hornströndum

0
107
Plast komið um borð í gúmmíbát og varðskipið Þór bíður fyrir utan.
Plast komið um borð í gúmmíbát og varðskipið Þór bíður fyrir utan. Mynd: Hreinni Hornstrandir

 Samtökin Hreinni Hornstrandir hreinsuðu um fimm tonn af rusli í árlegri ferð sinni til Hornstranda að þessu sinni.

Að þessu sinni varð Furufjörður fyrir valinu, syðst og austast á Hornströndum. 28 sjálfboðaliðar fóru sjóleiðina frá Ísafirði og lentu í Hrafnfirði. Þaðan var farið landleiðinu um Skoraheiði og niður í Furufjörð.

Hornstrandir
Mynd: Landhelgisæslan

Varðskipið Þór tók þátt í átakinu og var ruslið sem tínt var, flutt um borð í skipið á gúmmibátum.

„Það gekk mjög vel, heppin með veður og hóp. Við söfnuðum svipuðu magni og síðast en tókum heldur stærra svæði svo niðurstaðan er aðeins minna af rusli en fyrir 6 árum sem betur fer,” segir Gauti Geirsson talsmaður átaksins. „Samtals hafa því verið tekin rúm 10 tonn af plasti í þessum litla firði, Furufirði.”

„Áhöfn varðskipsins hitti hópinn fyrir í Furufirði á laugardeginum og var þá hafist handa við að ferja ruslahrúgur, sem safnast höfðu, um borð í varðskipið,” segir á Facebook síðu Landhelgisgæslunnar.

Varðskipið Þór kom afrakstrinum 5,19 tonn til Ísafjarðar, “mest plast og netadræsur”, að sögn Landhelgisgæslunnar.

Hreinsum hornstrandir
Hreinsum hornstrandir

Hafráðstefnan í Lissabon

Á sama tíma og sjálfboðaliðar hreinsa Hornstrandir, sitja stjórnarerindrekar á rökstólum í Lissabon og ræða ástand sjávar á Hafráðstefnu Sameinuðu þjóðanna. Þar eru einmitt til umræðu málefni á borð við plastmengun, súrnun sjávar og afleiðingar loftslagsbreytinga á hafið.

Hornstrandir lögðust í eyði um miðja tuttugustu öld, en þrátt fyrir að íbúarnir séu á brott eykst mengun; hún virðir engin landamæri. Öldum saman hefur rekaviður verið búdrýgindi á Ströndum, en nú verður plast og ýmiss konar úrgangur úr skipum sífellt meira áberandi.

Þótt mannskepnan þurfi ekki að glíma við mengun í líki plastúrgangs og veiðarfæra, eru Hornstrandri friðland og griðastaður íslenska refsins, að ógleymdum þriggja stórra fuglabjarga.

Mynd: Landhelgisgæslan

Frá 1975 hefur allt svæðið norðan Skorarheiðar verið friðland. Upphaflega átti heitið Hornstrandið aðeins við um norðurhlutann, en smátt og smátt hefur Hornstrandaheiðið einnig færst yfir á suðurhlutann, Jökulfirðina.

Um hafráðstefnu Sameinuðu þjóðanna sjá hér og sjá aðra hlið sama máls hér.