Jú þau eiga það sama sameiginlegt og Django Reinhard, Joe Zawinul, Michael Caine, og Tracey Ullman: Þau eiga rætur að rekja til Rómafólks. 8.apríl er alþjóðlegur dagur Rómafólks.
Rómafólk gekk löngum undir nafninu ”Sígaunar” sem þykir niðrandi en einnig verið nefnt Rómaní á íslensku. Rómafólk er flökkufólk sem tók sig upp frá Indlandi og eru fyrstu dæmi um veru þess í Evrópu frá 9.öld.
Rómafólk hefur sætt ofsóknum frá aldaöðli og nægir að nefna að nasistar reyndu að útrýma því á dögum Helfararinnar. Þess er raunar minnst í ár að 80 ár eru liðin frá því 3 þúsund Róma voru drepin i Auschwitz 2.-3. ágúst 1944.
1.2% ESB-búa
Talið er að 10 til 12 milljónir Róma búi í Evrópu. Um 1.2% íbúa Evrópusambandsríkjanna eru þannig af Rómakyni. Róma-fólk hefur verið á Norðurlöndum í fimm hundruð ár. Róma-fólk í Svíþjóð er á bilinu 25 til 65 þúsund en um tíu þúsund Róma eru í Noregi og aðeins fleiri í Finnlandi. Róma-fólkið dreifðist um Norðurlönd frá Noregi og hafði verið rekið þangað frá Bretlandseyjum.
Rómafólk nýtur stöðu minnihlutahóps í Noregi, Svíþjóð og Finnlandi. Rómafólk þar sem og annars staðar í Evrópu talar ýmsar mállýskur og hafa fengið orð að láni á hverjum stað.
Boban, Denny Laine og Yul Brynner
Margt þekkt fólk í skemmtanaheiminum og íþróttum er af Róma-fólki komið, ekki síst í tónlistarheiminum. Þar má fyrsta fræga telja gítarleikaranna Django Reinhardt, Robert Plant söngvara Led Zeppelin Denny Laine í Wings og Joe Zawinul forsprakka djassrokksveitarinnar Weather Report.
Nefna má leikarana Charlie Chaplin, Michael Caine, Rita Hayworth, Yul Brynner, Bob Hoskins og Tracey Ullman. Loks eru knattspyrnumennirnir Dejan Savićević (AC Milan/Svartfjallaland), Zvonimir Boban (AC Milan/Króatía), Milan Baroš (Liverpool/Tékkland) og Jesús Navas (Mancester City/Spánn) af Róma-kyni.
Sjá einnig hér.
