A-Ö Efnisyfirlit

Björgum mannslífum: Þvoum hendurnar!

 Á hverju ári deyja 16 milljónir manna af völdum smita á sjúkrahúsum. Að minnsta kosti hálf milljón sjúklinga smitast á hverjum degi í heiminum. Af þeim deyja á bilinu 20 til 50 þúsund í kjölfarið. Alþjóða heilbrigðismálastofnunin (WHO) hefur frá því árið 2009 staðið fyrir átakinu “Björgum mannsífum: Þvoum okkur um hendur”, 5.maí ár hvert.

Handþvottadagur
Hjúkrunarfræðingur þvær sér um hendur á sjúkrahúsinu Madina í Mogadishu í Sómalíu.UN Photo:Tobin Jones

Á alþjóðlega handþvottadeginum er að þessu sinni er vakin athygli á hlut heilbrigðisstarfsmanna og mikilvægi þess að þeir gæti að hreinlæti handa sinna til að forðast oft og tíðum lífshættulegt smit. Árið 2020 er líka Ár hjúkrunarfræðinga og ljóðsmæðra, og því er vígorð dagsins “Hjúkrunarfræðingar og ljósmæður: heilbrigði er í ykkar hreinu höndum.”

Hjúkrunarfræðingar og aðrir heilbrigðisstarfsmenn eru í víglínunni í baráttunni við COVID-19 faraldurinn. Áður en hann brast á björguðu þeir hundruð þúsundum mannslífa og munu halda áfram að gera að eftir að sigur hefur unnist. Á meðan faraldurinn geisar er umsjón barnshafandi kvenna, nýbura og mæðra þeirra og allt starf ljósmæðra afar þýðingarmikið.

Hjúkrunarfræðingar og ljósmæður hætta lífi sínu í baráttunni við faraldurinn en við getum lagt þeim lið með með því að þvo hendur okkar samviskusamlega og vekja aðra til vitundar um mikilvægi þess.

Mannslíf að veði

Alþjóðlegur handþvottadagur
Ljósmæður og hjúkrunarfræðingar ganga fylktu liði í Juba í Suður-Súdan í tilefni af alþjóðlegum dögum hjúkrunarfræðing (12.mai) og ljósmæðra (5.maí) UN Photo/Isaac Billy

COVID-19 faraldurinn er til marks um hvað veirur geta breiðst hratt út og minnir á mikilvægi handþvottar. Margir sjúkdómar breiðast út vegna þess að sumt fólk þvær sér ekki um hendur eftir að hafa farið á salerni. Í heiminum er talið að aðeins 19% allra þvoi sér um hendur eftir klósettferð. Handþvottur er ein öflugasta leið sem völ er á til að vernda sjálfan sig og fjölskyldu sína fyrir veikindum. Ef hendur eru þvegnar upp úr spritti minnkar hætta á smiti og þar með dauða um 50%. Hafa ber í huga að veirur berast til okkar þegar við snertum augu, eyru og munn eða útbuum mat og drykk með óþvegnum höndum.

#SafeHands áskorunin

Takið ykkur matreiðslumanninn Gordon Ramsey til fyrirmyndar en hann tók upp á myndband þegar hann varð við #ÖruggarHendur (SafeHands) áskoruninni. Takið upp ykkar eigin myndband með myllumerkin #SafeHands til að vekja athygli á málstaðnum.

Fréttir

Frumbyggjar: Sanneiksnefndir og aukinn áhugi

Áhugi á frumbyggjum Norðurlanda hefur aukist verulega jafnt í alþjóðamálum sem menningum og listum á undanförnum áratugum. Annars vegar Inúitar á Grænlandi og hins vegar Samar í Finnlandi, Noregi og Svíþjóð og raunar einnig Rússlandi teljast til frumbyggja. Stjórn Grænlendinga í eigin málum hefur farið vaxandi og sannleiks- og sáttanefndir hafa verið stofnaðar eða eru í undirbúningi um málefni Sama í öllum þremur Norðurlanda þar sem þeir búa. 9.ágúst er alþjóðlegur dagur frumbyggja.

SÞ taka virkan þátt í hjálparstarfi í Líbanon

Sameinuðu þjóðirnar vinna náið með yfirvöldum í Líbanon við að takast á við afleiðingar...

Tími kominn til að binda enda á kjarnorkuvána

Þess er minnst á vettvangi Sameinuðu þjóðanna að 75 ár eru liðin frá kjarnorkuárásunum á japönsku borgirnar Hiroshima og Nagasaki. Í myndbands-ávarpi í dag vottaði António Guterres aðalframkvæmdastjóri Sameinuðu þjóðanna fórnarlömbum árásanna virðingu sína og lauk lofsorði á eftirlifendur og baráttu þeirra gegn kjarnorkuvopnum.

Þurfum meira á menntun að halda en nokkru sinni...

Skólar voru lokaðir í 160 ríkjum um miðjan síðasta mánuð og meir en 1 milljarður námsmanna naut ekki kennslu vegna COVID 19 faraldursins. „COVID-19 faraldurinn hefur haft í för með sér mestu truflun í sögu menntunar,” sagði António Guterres aðalframkvæmdastjóri Sameinuðu þjóðanna þegar hann fylgdi úr hlaði stefnumótunarskýrslu um stöðu  mennntunar á tímum faraldursins.

Álit framkvæmdastjóra