 20. desember 2006 vedtok FN si generalforsamling ein resolusjon som erkjenner diabetes som ein kronisk, avgrensande og kostbar sjukdom. I fylgje resolusjonen skal 14. november no verte verdsdagen for diabetes, og FN skal vere involvert i arbeidet mot vidare spreiing av sjukdomen. Dette er fyrste gongen ein ikkje-smittsam sjukdom hor vorte sett som ein like alvorleg trussel mot global helse som smittesjukdomar som malaria, tuberkolose og HIV/AIDS.
I fylgje Verdas helseorganisasjonen (WHO) ligg diabetesrelaterte sjukdomar bak fem prosent av alle dødsfall i verda, og organisasjonen åtvarar om at sjukdomen kjem til å auke med over 50 prosent over dei komande ti åra dersom ikkje noko vert gjort umiddelbart. World Diabetes Day – WDD – vart oppretta av International Diabetes Federation (IDF) og WHO i 1991 for å belyse den globale auken i diabetes. Dagen skal markerast den 14. november fordi dette er fødselsdagen til Frederick Banting, som saman med Charles Best oppdaga insulinet. Les FN sin resolusjon her. |
